Bermud üçbucağı
Yer kürəsi hələ də tam sirrini açmadığımız möcüzələrlə doludur. Bəzi məkanlar var ki, orada baş verən hadisələr alimləri belə çaş-baş salıb. AzPost bildirir ki, bunlardan biri ABŞ-ın Nevada ştatındakı “Ölüm Vadisi”dir. Bu ərazidə daşlar öz-özünə hərəkət edir və illərdir bu fenomenin dəqiq izahı tapılmayıb.
Bermud Üçbucağı isə dünya üzrə ən məşhur sirli nöqtədir. Burada itən gəmilər və təyyarələrlə bağlı saysız əfsanə var, alimlər isə bu hadisələri nə sualtı maqnit sahələri, nə də hava burulğanları ilə tam açıqlaya biliblər.
Hindistanın Şivapur kəndində yerləşən “Levitating Stone” adlı 70 kq-lıq daş isə bir qrup insan eyni anda əlini üstünə qoyub “Qamar Ali Darvesh” deyəndə havaya qalxır. Bu hadisə min ildir ki, baş verir və elm bunun mexanizmini izah edə bilmir.
Dünyanın ən sirli gölü isə Tanzaniyadakı Natron gölüdür. Göldə ölmüş canlılar duz və minerallar sayəsində heykəl kimi bərkiyir. Elm adamları bu suyun tərkibinin həyat üçün necə təhlükəli olduğunu təsdiqləyib, lakin bu bərkimiş bədənlərin qorunma formasını izah etməkdə çətinlik çəkir.
Yaponiyanın Aokigahara meşəsi də əsrarəngiz enerjisi ilə tanınır. Bura dünyada ən çox intihar hadisəsi baş verən yerlərdən biridir və orada kompaslar, cihazlar işləməyi dayandırır.
Bu kimi yerlər sübut edir ki, planetimizdə hələ də izah olunmayan və insan ağlını aşan möcüzələr mövcuddur.
