Meyit
Yaponiyanın Osaка prefekturasında 60 yaşlı Takehisu Miyavaki adlı şəxs 10 il ərzində 95 yaşlı anasının meyitini evdə saxladığı üçün saxlanılıb. AzPost xəbər verir ki, bu barədə South China Morning Post nəşri məlumat yayıb.
Bildirilir ki, hadisə bu ilin may ayında yerli hökumət nümayəndəsinin şübhələnməsi ilə ortaya çıxıb. Rəsmi şəxsin ailə üzvü ilə bağlı sənəd tələb etməsinə cavab verməyən Miyavakinin davranışı diqqət çəkib və məsələ polisə bildirilib.
Polisin evdə apardığı yoxlama zamanı qadının meyiti tualet otağında aşkarlanıb. Araşdırmalar zamanı məlum olub ki, qadın təxminən 10 il əvvəl vəfat edib.
Takehisu Miyavaki ifadəsində bu müddət ərzində anasının ölümünü bildirməməsinin səbəbini sosial fobiya – insanlarla ünsiyyətdən qorxma ilə izah edib. Onun sözlərinə görə, ictimai qurumlara müraciət etməkdən çəkinib və vəziyyəti gizlətməyə üstünlük verib.
