Zamex
Vətəndaş Günel Əlizadə “Zamex Kargo” şirkəti ilə bağlı sosial şəbəkədə ciddi narazılıq bildirib. Onun sözlərinə görə, 11 iyun 2025-ci il tarixində Almaniyadan 196 manat dəyərində köynək sifariş etsə də, üzərindən iki ay keçməsinə baxmayaraq məhsul hələ də ona çatdırılmayıb.
AzPost xəbər verir ki, şikayətçinin iddiasına görə, şirkətə məxsus telefon nömrələri hazırda bağlıdır, mesajlara cavab verilmir və heç bir əlaqə yaratmaq mümkün olmur. Bu isə onun sözlərinə görə, həm maddi zərərə, həm də istehlakçı hüquqlarının pozulmasına səbəb olub.
“Azərbaycan Respublikasının ‘İstehlakçıların hüquqlarının müdafiəsi haqqında’ Qanununa əsasən, ödəniş olunmuş malın vaxtında və müqaviləyə uyğun şəkildə çatdırılmaması hüquq pozuntusudur”, – deyə Günel Əlizadə bildirib.
Məsələ ilə bağlı Zamex Kargo şirkətinin mövqeyi olarsa xəbər yenilənəcək.
