Moskvada ticarət mərkəzi yaxınlığında ciddi yol qəzası qeydə alınıb. AzPost xəbər verir ki, hadisə bu gün günorta saatlarında “Avenue” Ticarət Mərkəzinin yanında, Vernadski prospekti, 86A ünvanında baş verib.
Məlumata görə, iki motosiklet ilə karşerinqlə idarə olunan minik avtomobili toqquşub. İlkin versiyaya əsasən, avtomobilin sürücüsü qırmızı işıqda yol hərəkətinə davam etməyə çalışıb və bu zaman dərhal iki motosikletlə toqquşub.
Qəza nəticəsində hər iki motosikletçi müxtəlif dərəcəli xəsarətlər alıb. Hadisə yerinə təcili tibbi yardım briqadaları cəlb olunub.
“MK: srоçnıye novosti”nin məlumatına görə, zərərçəkənlərdən biri helikopterlə təcili olaraq Bronnitskaya xəstəxanasına çatdırılıb. Digərinə isə ilkin tibbi yardım hadisə yerində göstərilib.
Qəzadan sonra yolun həmin hissəsində nəqliyyatın hərəkəti məhdudlaşdırılıb, böyük tıxac yaranıb. Rəsmi qurumlar sürücülərə alternativ marşrutlardan istifadə etməyi tövsiyə edir.
Hazırda hüquq-mühafizə orqanları qəzanın bütün səbəblərini araşdırır.
