Almaniya Rusiya vətəndaşları üçün Şengen turist vizalarının verilməsinin məhdudlaşdırılmasını təklif edir.
AzPost DPA agentliyinə istinadən bildirir ki, bu tədbir Aİ-nin Ukraynada müharibəni davam etdirən Rusiyaya qarşı yeni sanksiyalar paketinin bir hissəsi ola bilər.
Agentliyin məlumatına görə, Almaniya hökuməti ruslara turist vizalarının verilməsinin məhdudlaşdırılmasının tərəfdarıdır. DPA-nın istinad etdiyi sənədlərdən birinə görə, Rusiya vətəndaşlarına turist səfərləri və ya Avropa İttifaqı ölkələrinə alış-veriş səfərləri üçün vizaların verilməsi çoxdan məhdudlaşdırılmalı idi.
Ötən il Avropa konsulluqları Aİ ölkələrində və İsveçrə kimi digər Şengen ölkələrində qısamüddətli qalmaq üçün Rusiyaya təxminən 542 min viza verib. Bu, koronavirus pandemiyasından əvvəlki 2019-cu illə müqayisədə xeyli azdır, lakin 2023-cü illə müqayisədə təxminən 20% çoxdur.
