ABŞ-da televiziya müsahibəsi zamanı valideynlərini öldürdüyünü etiraf edən şəxs həbs edilib.
AzPost Sky News-ə istinadən xəbər verir ki, 53 yaşlı Lorenz Kraus cümə axşamı Nyu-Yorkun Olbani şəhərindəki WRGB studiyalsını tərk etdikdən sonra saxlanılıb. O, orada ata-anasını boğduğunu etiraf edib. Kraus iki qətl və iki insan cəsədini gizlətməkdə ittiham olunur.
Cümə günü Olbani Şəhər Məhkəməsində çıxış edən Kraus ittihamlar üzrə özünü təqsirli bilməyib.
Kraus valideynləri Frans və Tereza Krausun ölümünün 2017-ci ilin avqustunda baş verdiyini deyib. Onun sözlərinə görə, ölümü getdikcə zəifləyən qocalmış valideynləri üçün bir mərhəmət kimi qiymətləndirir.
Kraus 92 yaşlı atasının katarakt əməliyyatından sonra artıq maşın sürə bilmədiyini, 83 yaşlı anasının isə bu yaxınlarda yolu keçərkən yıxılaraq yaralandığını deyib. Lakin hər ikisinin həyati təhlükəsi olub-olmadığını açıqlamayıb. Jurnalist Qreq Floydun cütlüyü öldürüb-öldürmədiyini soruşduqda, o, onları öz mülklərində basdırdığını cavablandırıb.
Əməliyyatçılar evlərində iki cəsəd aşkar etdikdən sonra ertəsi gün Kraus həbs olunub.
Yaşlı cütlüyün illərdir görünməməsinə baxmayaraq hələ də Sosial Müdafiə ödənişlərini alıblar.
Polis iddia edir ki, Kraus bu pulları şəxsi maraqları üçün istifadə edib.
