Hüquq-mühafizə orqanları İngiltərənin Bristol şəhər sakini 43 yaşlı Yasmine Əlini üç uşağın – 9 aylıq Məhəmməd, 3 yaşlı Juri və 7 yaşlı Faresin qətlində ittiham edib.
AzPost bildirir ki, bu barədə “The Sun” xəbər verir.
“Meyitlərin məhkəmə-tibbi ekspertizası göstərir ki, onların hamısı bıçaq xəsarətlərindən dünyasını dəyişib”, – məlumatda deyilir.
Polisin məlumatına görə, qadın uşaqları öldürməyə sövq edə biləcək psixi pozuntuya görə müşahidə altındadır. O, sağaldıqdan sonra məhkəmə qarşısına çıxacaq.
Tac Prokurorluğunun sözçüsü Endryu Priçard deyib: “Prokurorluq Yasmin Əlini üç qətldə ittiham etmək qərarına gəlib”.
O, ictimaiyyəti işin gedişinə mane ola biləcək məlumatları internetdə dərc etməməyə çağırıb.
