Rusiyanın Naxodka şəhərində yaşlı kişi avtobusda ona yer verməyən məktəbli qıza hücum edərək, onun üstündə oturmağa cəhd edib. Üstəlik digər sərnişinlərin gözü qarşısında uşağın qollarını burub.
AzPost bildirir ki, görüntülər birmənalı qarşılanmayıb.
15 yaşlı qızın oturacağını yaşlı qadına vermək istəməməsi yaşlı kişini hiddətləndirib. O, yerindən sıçrayaraq, yeniyetmənin üstünə atılıb və yanındakı oturacaqda oturan qadının alqışları ilə “ona ədəb öyrətməyə” başlayıb. Uşaqlar bütün hadisəni lentə alıblar. Videoda hücum edənin üzü də görünür.
Zərərçəkənin ailəsi polisə şikayət edib. Valideyn araşdırma aparılacağına ümid etsə də işə xitam verilib. Hazırda istintaqı prokurorluq aparır.
