Moskvada yaşayan Dağıstanlı bir ailə bir il ərzində övladlarının ölümünü sübut etmək məcburiyyətində qalıb.
AzPost xəbər verir ki, 39 yaşlı kişi uzun müddət ağır xəstəlikdən əziyyət çəkirdi – ona hələ 17 yaşında əzələ distrofiyası diaqnozu qoyulmuşdu və 2012-ci ildən birinci qrup əlilliyi var idi. Daha yaxşı müalicə ümidi ilə ailəsi onu Moskvaya köçürmüşdü. Lakin 2024-cü ilin iyununda, yay gecələrinin birində o, anası, qardaşı və bacısının gözü qarşısında dünyasını dəyişib.
Mərhum həmin gün müsəlman ənənələrinə uyğun olaraq gün batmadan dəfn edilib. Bu səbəbdən polis əməkdaşları faktı rəsmi sənədləşdirə bilməyib. Yalnız dəfn edildikdən sonra hüquq-mühafizə orqanları mənzilə gəlib və materialların Troitks polis şöbəsinə göndəriləcəyi bildirilib. Lakin sənədlər itib, hadisə rəsmiləşdirilməyib.
Anası oğlunun ölümünü qeydiyyata salmaq üçün ZAGS-a müraciət etsə də, ona rədd cavabı verilib. Ailə məhkəməyə üz tutmaq məcburiyyətində qalıb. Yalnız Troitks məhkəməsi şahidlərin ifadəsini dinlədikdən sonra kişinin ölümünü rəsmən təsdiqləyib və ailə ölüm şəhadətnaməsini ala bilib.
