Azərbaycan Əlillər Cəmiyyəti İctimai Birliyi “Əlilliyi olan şəxslərin sosial müdafiəsinə dəstək“ adlı layihəni icra edir.
“Əlilliyi olan şəxslərin sosial müdafiəsinə dəstək” layihəsi respublikanın Bərdə, Ağdam, Tərtər, Yardımlı rayonlarında keçirilməyi planlaşdırılmışdı. Son tədbir isə oktyabrın 9-da Bərdə rayonunda baş tutdu.
Qeyd edək ki, layihənin benifisiarları hər yaş qrupundan müəyyən edilib:
- Azərbaycanın müstəqilliyi və ərazi bütövlüyü uğrunda sağlamlığını itirmiş şəxslər və onların ailə üzvləri:
- Doğuşdan sağlamlıq imkanları məhdud olan şəxslər:
- Peşə fəaliyyəti zamanı əlil olan şəxslər.
Tədbiri Azərbaycan Əlillər Cəmiyyəti İctimai Birliyinin sədri, layihə rəhbəri Xədicə Mikayılova açaraq şəhidlərimizi bir dəqiqəlik sükutla yad etməyi təklif edib. Daha sonra layihənin icra olunmasında məqsədi izah edilib. Qeyd edib ki, artıq Yardımlı, Tərtər. Ağdam rayonlarında tədbirlər keçirildi. Layihə rəhbəri Xədicə Mikayılova vurğulayıb ki, layihənin əsas məqsədi əlilliyi olan şəxslərin sosial durumlarının, hüquqlarının öyrədilməsi səviyyəsinin yüksəldilməsi, bunun üçün maarifləndirici fəaliyyətlərin həyata keçirilməsi, onların sosial müdafiə və iqtisadi təşviq mexanizmlərinə çıxış imkanlarını artırmaqdır. Elə bu günkü tədbir iştirakçıları məhz doğuşdan sağlamlıq imkanları məhdud olan şəxslər, peşə fəaliyyəti zamanı əlil olanlardır.
Tədbir iştirakçılarından İlhamə Məmmədova, Gülnarə Rəhimova və digərləri icra edilən layihəhə görə uğurlar dilədılər. Onlar paylanan dəftərxana ləvazimatlarında Məlumatlandırma toplusunun olmasına görə minnətdarlıq bildirdilər. Çıxışçılardan bir problemlərlə bağlı Xədicə Mikayılovadan dəstək istədilər. O, aidiyyəti qurumlara müraciət edəcəyini söz verdi. Tədbir çay süfrəsi arxasında davam etdirildi.
Qeyd edək ki, Azərbaycan Əlillər Cəmiyyəti İctimai Birliyinin “Əlilliyi olan şəxslərin sosial müdafiəsinə dəstək” layihəsi Azərbaycan Respublikasının Qeyri- Hökümət Təşkilatlarına Dövlət Dəstəyi Agentliyini maliyyə dəstəyi ilə icra olunur.
