Şotlandiyadan olan 22 yaşlı Kira Cousins saxta hamiləliyi ilə bağlı ətrafını aldada bilib.
AzPost bildirir ki, Şotlandiyadan olan 22 yaşlı Kira Cousins sevgilisi Ceymi də daxil olmaqla, hər kəsi hamilə olduğuna və Bonni-Li adlı bir qız uşağı gözlədiyinə inandırıb.
Kira ultrasəs müayinələrini saxtalaşdırıb, sosial mediada özünün saxta hamilə şəkillərini paylaşıb. O, “körpə hərəkətləri”nin videolarını çəkib, çəhrayı tortla cinsiyyətin açıqlama məclisnii təşkil edib.
Qadın sosial şəbəkə izləyicilərinə xəstəxanaya getməsindən, “hamiləlik ağırlaşmalarından” danışıb. Hətta “körpənin” anadangəlmə ürək qüsuru olması barədə bir hekayə uydurub.
Ailəsi və dostları ona inanıblar. Ona hədiyyələr, körpə üçün paltarlar veriblər. Hətta 1000 funt sterlinqə bahalı uşaq arabası alıblar.
10 oktyabrda Kira 2,4 kq ağırlığında bir qız uşağı dünyaya gətirdiyini elan edib. O, “xəstəxanadan” körpə daşıyıcısında “yeni doğulmuş” körpə ilə şəkillər paylaşıb və heç bir köməyə ehtiyacı olmadığını iddia edib.
Lakin tezliklə şübhələr yaranmağa başlayıb. Ailəsi və dostlar “körpənin”ın heç vaxt ağlamadığını və ya tərpənmədiyini hiss ediblər. Kira tibbi müayinələri əsas gətirərək uşağı qucağa almanı qadağan edib.
Həqiqət Kiranın anası onun otağına girəndə üzə çıxıb. O, “nəvə”ni görmək, onu yoxlamaq qərarına gəlib. Bu zaman məlum olub ki, bu, hiperrealistik silikon Reborn kuklasıdır. Belə kuklalar min dollardan çox başa gəlir və adətən emosional terapiya üçün istifadə olunur.
Kiranın xalası Niv Makroberts TikTok-da hekayəni ifşa edən video paylaşdıqdan sonra əhvalat viral olub. Video milyonlarla baxış toplayıb və qəzəbə səbəb olub.
“Hamı Kiraya inandı. O, bizi aylarla aldatdı”-deyə xalası bildirib. O əlavə etdi ki, açıqlamadan əvvəl Kira sevgilisinə uşağın “öldüyünü” deyib.
Qalmaqaldan sonra Kira sosial media hesablarını silib. Daha sonra İnstaqramda üzr istəyib və oradan da səhifəsini bağlayıb.
