Yeni tədqiqat göstərir ki, bağırsaqda yaşayan bakteriyalar insan ömrünü uzatmaqda rol oynaya bilər. Alimlər kəşf ediblər ki, mikrob və mikroorqanizmlər xüsusi maddələr ifraz edə bilir və bu maddələr yaşlanma prosesini ləngidə bilər.
AzPost xəbər verir ki, tədqiqatçılar qan dövranına demək olar ki, keçməyən az dozalı antibiotiklərlə eksperiment aparıblar. Nəticədə məlum olub ki, dərman orqanizmə birbaşa təsir göstərmir, yalnız bağırsaq bakteriyalarını stimullaşdırır. Bu bakteriyalar isə faydalı kolan turşusu istehsalını artırır.
Eksperimentlər qurdlar və siçanlar üzərində aparılıb. Dərman qəbul edən heyvanlar daha uzun ömür sürüb. Siçanlarda həmçinin xolesterol və insulin səviyyələri normallaşıb, bu isə yaşa bağlı xəstəlik riskini azaldır.
Alimlərin sözlərinə görə, bu metodun əsas üstünlüyü onun təhlükəsizliyidir: antibiotik demək olar ki, orqanizmə keçmir, yalnız bağırsaqda təsir göstərir və yan təsirlər yaratmır.
Bu tədqiqat yaşlanmaya qarşı yeni dərmanların inkişafı üçün ümidverici istiqamət açır. Nəticələr PLOS Biology jurnalında dərc olunub.
