“İran üçün sabit bir keçid planım var“.
AzPost bildirir ki, bu barədə İranın sabiq şahı Məhəmmədrza Pəhləvinin oğlu Rza Pəhləvi ABŞ prezidenti Trampa müraciətində bildirib.
O, müracitində İranda baş verən proseslərə dəstəyə görə, təşəkkür edib: “Güclü liderliyinizə və həmvətənlərimə verdiyiniz dəstəyə görə təşəkkür edirəm. Verdiyiniz bu xəbərdarlıq xalqıma daha çox güc və ümid verir. Ümid edirəm ki, nəhayət, ABŞ Prezidenti onların yanında möhkəm dayanacaq”.
Rza Pəhləvi yazıb ki, İran vətəndaşları həyatlarını təhlükəyə ataraq, ona məsuliyyət və bu mesajı göndərirlər: “Bir vaxtlar Yaxın Şərqə sülh və rifah gətirən İran və Amerika arasındakı münasibətləri bərpa etməyə çalışmaq. İran üçün sabit bir keçid planım və onu həyata keçirmək üçün xalqımın dəstəyi var. Sizin rəhbərliyiniz altında azad dünyada davamlı sülh mirası qoya bilərik” -deyə Rza Pəhləvi yazıb.
Qeyd edək ki, bir neçə gündür İranda inflyasiya ilə bağlı kütləvi etiraz aksiyaları keçirilir. Bir sıra şəhərlərdə hərbi vəziyyət elan edilib.
