İsrailin baş naziri Binyamin Netanyahu Qəzza zolağında Fələstin dövlətinin yaradılmasının yolverilməz olduğunu bəyan edib. AzPost xəbər verir ki, o, bu fikri mətbuat konfransı zamanı səsləndirib.
Netanyahunun sözlərinə görə, İsrailin Qəzzada Fələstin dövlətinin qurulmasına razılıq verəcəyi ilə bağlı iddialar həqiqəti əks etdirmir. “Belə bir şey olmayıb və olmayacaq”, – deyə baş nazir vurğulayıb.
O əlavə edib ki, Qəzzanın bərpası yalnız HƏMAS hərəkatının tamamilə tərksilah edilməsindən və demilitarizasiyasından sonra müzakirə oluna bilər. Netanyahu bildirib ki, təhlükəsizlik təmin olunmadan hər hansı yenidənqurma mümkün deyil.
Qeyd edək ki, İsrailin baş naziri bundan əvvəl də Fələstin dövlətinin yaradılmasının real olmadığını açıqlamışdı.
