Ermənistanın Baş naziri Paşinyan İrəvanda seçki təbliğatı zamanı Qarabağdan olan erməni ilə dalaşıb.
Azpost.info bildirir ki, Qarabağdan İrəvana gəlmiş Artur Osipyan küçədə Paşinyana yaxınlaşıb və onu ittiham etməyə başlayıb.
Paşinyanla sual -cavab şəklində davam edən dialoq sonucda Baş nazirin qəzəbli mesajı ilə yekunlaşıb.
Paşinyan deyib ki, 1996-cı il Lissabon Zirvə Görüşündə Qarabağ məsələsinin öz müqəddəratını təyinetmə prinsipi əsasında həll edilməsi və Azərbaycan daxilində özünüidarəetmə qurumu statusunun verilməsi qərara alınıb. O bildirib ki, Qarabağ məsələsinin bu çərçivədən kənarda məsələnin həlli üçün başqa seçim yox idi.
Osipyan isə cavabında deyib ki, 2019-cu ildə aparılan danışıqlarda Qarabağ məsələsinin Azərbaycanın ərazi bütövlüyü çərçivəsində həll edilməsi ilə bağlı heç nə olmayıb. Paşinyan cavab olaraq Qarabağ məsələsinin yalnız Azərbaycan daxilində həll edilə biləcəyini vurğulayıb. “Qarabağ məsələsi Ermənistanı tələyə salmaq üçün bir tələ idi”, – deyə o əlavə edib.
Osipyan Ermənistanın Müstəqillik Bəyannaməsini nümunə gətirərək, Ermənistanın maraqlarını irəli sürməyin vacibliyini vurğulayıb. Paşinyan cavab olaraq Müstəqillik Bəyannaməsini qəbul etmədiyini deyib. Baş nazir bu sənədin dövlətin əleyhinə olduğunu qeyd edib.
Daha sonra Osipyan deyib ki, azərbaycanlıların Ermənistanda məskunlaşması şərti var. Bundan sonra Paşinyan qəzəbələnib, vəziyyət daha da gərginləşib. Cangüdənlər Osipyanı uzaqlaşdırmağa başlayıb.
Paşinyan onun ünvanına qəzəblə qışqırıb: “Rədd olun buradan. Bu Qarabağ psevdoelitaları buradan rədd olmalıdır. Burada nə edirsiniz? Onlar kimdir? Bu Qarabağ psevdoelitaları bizə barmaq silkələyir. Rədd olun burdan! Siz kimsiniz? Artur Osipyan, başını divara vur. Uşaqlarımızın əvəzinə gedib ölməli idiniz. Quldurlar, vəhşilər. Qarabağ xalqını girov götürdünüz. Sən niyə sağsan? 5000 qurban haqqında danışasınız? Səninləyəm, ay əclaf! Şahramanyan niyə sağdır? Başqaları. Niyə qondarma parlament üzvləriniz sağdır? Niyə ölməyiblər? Hamısını məhv edəcəyəm”, -deyə Paşinyan bildirib.
