Beynəlxalq ekspertlər dünyanın ən sakit və stresssiz şəhərlərinin siyahısını açıqlayıblar. Reytinq hazırlanarkən səs-küy səviyyəsi, yaşıllıq sahələri, hava keyfiyyəti və insanların həyat tərzi nəzərə alınıb.
Araşdırmaya əsasən, siyahıda Şimali Avropa ölkələrinin şəhərləri üstünlük təşkil edir. Mütəxəssislər hesab edirlər ki, aşağı səs-küy və təmiz hava insanların həm psixoloji, həm də fiziki sağlamlığına müsbət təsir göstərir.
Psixoloqlar bildirirlər ki, daim yüksək səs-küyə məruz qalan insanlarda stress hormonlarının səviyyəsi artır, yuxu problemləri və diqqət pozuntuları daha çox müşahidə olunur.
Araşdırma müəllifləri qeyd edirlər ki, böyük şəhərlərdə yaşayan insanlar gün ərzində qısa müddət də olsa park və ya yaşıllıq zonalarında vaxt keçirməklə stress səviyyəsini azalda bilərlər.
