“Azərbaycan Valideyn-Müəllim Assosiasiyası” ictimai birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən dəstəklənən “Valideyn-müəllim əməkdaşlığının gücləndirilməsi” layihəsinin növbəti tədbiri 12 iyun 2026-cı il tarixində İsmayıllıda “Orman” restoranında keçirilib.
Qeyri -formal, səmimi mühitdə keçirilən tədbirdə İsmayıllı Rayon Təhsil sektorunun müdiri, nümayəndələri, şəhid anaları, qonaqlar, ekspertlər, İsmayıllı məktəblərindən valideynlər və müəllimlər, məktəb direktorları iştirak etmişlər. Layihə rəhbəri Şahin Rəcəbovun moderatorlugu ilə “Təhsilin əsas tərəfdaşları: valideyn və müəllim kimdir?” (“Valideynin hüquq və vəzifələri”, “Müəllimin hüquq və vəzifələri”); Valideyn-müəllim-şagird əməkdaşlığı” (“Müəllimlərə necə dəstək olmaq olar, əməkdaşlığı necə qurmaq olar”, “Əməkdaşlığın prinsipi, formaları və faydaları”, “Ailə-məktəb münasibətləri, qarşılıqlı öhdəliklər”, “Valideyn-müəllim-şagird üçbucağı”); “Valideyn-müəllim-şagird əməkdaşlığı” (“Müəllimlərə necə dəstək olmaq olar, əməkdaşlığı necə qurmaq olar”, “Əməkdaşlığın prinsipi, formaları və faydaları”, “Ailə-məktəb münasibətləri, qarşılıqlı öhdəliklər”, “Valideyn-müəllim-şagird üçbucağı”); Uşaqların təhsil problemləri” (“Uşaqların hansı hüquqları var və onlar necə təmin edilməlidir”, “Uşaqla necə dost olmaq olar, özgüvəni necə yaratmalı, uşaq arzularına diqqət, uşaqla rəftarın pedaqoji xüsusiyyətləri”, “Müasir dövrdə valideyn-uşaq münasibətləri problemlərinin psixoji aspektləri, uşaqlara özlərini qorumaq üçün nələri izah etmək lazımdır”); Münaqişələr və zorakılığın təsiri” (“Ailə daxili münaqişələrin və ailədə zorakılığın uşaqlara təsiri”, “Məktəbdə büldinqin fəasdları. Müəllim və valideyn dəstəyi”); “Uşaqların sağlamlığı, gigiyenası və təhlükəsizliyi, icma əməkdaşlığı” (“Ailədə və məktəbdə sağlam həyat tərzinin təşkili”, “Uşaqların mobil telefonlar, intenet və sosial şəbəkələrdən istifadəsi, uşaqların və ailənin informasiya təhlükəsizliyi”, “Məktəbdaxili, məktəbətrafı icma əməkdaşlığının qurulması və faydaları”) mövzularında maraqlı müzakirələr keçirilib. Məktəb iştirakçıları maraqlı təkliflərlə çıxış ediblər.
Ölkənin 4 regionunu (Quba, İsmayıllı, Masallı, Astara) əhatə etməklə 3 ay müddətində icra olunacaq layihənin əsas məqsədi qeyri formal mühitdə valideynlərlə müəllimlərin əməkdaşlığının gücləndirilməsi, valideynlər üçün uşaqların hüquq və təhsilinə yönəlik pedaqoji maarifləndirməni, gəzinti istirahətini təşkil etməkdir. Layihə çərçivəsində hər rayonda 16 valideyn, 4 müəllimin iştirakı ilə qeyri-formal mühitdə valideyn-müəllim əməkdaşlığının formalarının müzakirəsi, uşaqlara yönəlik valideynlərim pedaqoji maarifləndirilməsi və iştirakçıların gəzinti istirahəti üçün yay əməkdaşlıq düşərgəsinin təşkili nəzərdə tutulub. Müzakirələrin nəticələri üzrə təkliflərinin hazırlanaraq aidiyyəti orqanlara çartdırılması, tədbirlərin sosial şəbəkələrdə videoçarxlarla yayılması nəzərdə tutulub.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə yanaşı, layihənin icrasında tərəfdaşlarımız Azərbaycan Respublikasının Elm və Təhsil Nazirliyi, Mərkəzi və yerli İcra Hakimiyyətləri, Regional Təhsil İdarələri, Təhsil sektorları, Ailə, Qadın, Uşaq Problemləri üzrə Dövlət Komitəsi ilə əməkdaşlıq nəzərdə tutulub.
Layihə üzrə növbəti tədbir Masallıda keçiriləcək.
Fotolar
