Müasir dövrdə milyonlarla insan gün ərzində 8-10 saat kompüter qarşısında işləyir. Həkimlərin fikrincə, bu həyat tərzi əl və bilək sinirlərinə ciddi yük yaradır.
Azpost.info bildirir ki, son illərdə xüsusilə “karpal tunel sindromu” adlanan problem sürətlə yayılır.
Nevroloqlar bildirirlər ki, siçan və klaviaturadan uzunmüddətli istifadə nəticəsində bilək nahiyəsində yerləşən orta sinir sıxıla bilər. Bunun ilk əlamətləri barmaqlarda keyimə, iynələnmə hissi və zəif ağrılardır. Xüsusilə çeçələ və adsız barmaqda hiss edilən keyimə bəzən dirsək nahiyəsində yerləşən ulnar sinirin sıxılması ilə əlaqəli olur.
Ekspertlər hesab edir ki, problemin qarşısını almaq üçün hər saatdan bir 5 dəqiqəlik fasilə vermək, bilək üçün xüsusi dayaqlardan istifadə etmək və iş masasının erqonomikasını düzgün qurmaq lazımdır.
Son araşdırmalar göstərir ki, uzunmüddətli oturaq iş təkcə sinirlərə deyil, ürək-damar sisteminə də mənfi təsir göstərir. Buna görə də həkimlər gündə ən azı 30 dəqiqə fiziki aktivliyi tövsiyə edirlər.
Analitiklərin fikrincə, süni intellekt və rəqəmsallaşma dövründə “ofis xəstəlikləri” gələcək illərdə səhiyyə sistemlərinin əsas problemlərindən birinə çevrilə bilər.
Sunay Aydın
