Son illərdə pəhriz və arıqlama ilə bağlı ən geniş yayılmış yanlış fikirlərdən biri kaloriləri kəskin şəkildə azaltmağın sürətli nəticə verəcəyinə inanmaqdır. Dietoloqlar bildirirlər ki, insan orqanizmi uzun müddət az qida qəbul etdikdə “enerjiyə qənaət rejimi”nə keçir və maddələr mübadiləsi yavaşıyır.
Araşdırmalar göstərir ki, gündəlik qida qəbulunu normadan 40-50 faiz azaltmaq ilk həftələrdə çəki itkisi yaratsa da, sonrakı mərhələdə proses dayanır. Bundan əlavə, əzələ kütləsinin azalması metabolizmi daha da zəiflədir.
Qidalanma üzrə ekspertlər arıqlamaq istəyən insanlara zülal qəbulunu artırmağı, şəkərli içkilərdən uzaq durmağı və gündə ən azı 7 saat yatmağı tövsiyə edirlər. Mütəxəssislərin fikrincə, yuxusuzluq aclıq hissini artıran hormonların fəaliyyətini gücləndirir.
Son illərdə Aralıq dənizi pəhrizi ən sağlam qidalanma modellərindən biri hesab olunur. Tərəvəz, balıq, zeytun yağı və tam taxıllara üstünlük verən insanların ürək-damar xəstəliklərinə daha az tutulduğu müəyyən edilib.
Ekspertlər hesab edir ki, arıqlamağın sirri ac qalmaqda deyil, düzgün qidalanma və davamlı həyat tərzi dəyişikliklərindədir.
Sunay
