Argentina millisinin və ABŞ-ın “İnter Mayami” klubunun hücumçusu Lionel Messi 2026-cı il dünya çempionatının finalında İspaniyaya məğlub olduqdan sonra sosial şəbəkədə paylaşım edib.
Azpost.info-nun məlumatına görə, Messi bildirib ki, finaldakı məğlubiyyət ona ağır təsir etsə də, komandasının turnirdə göstərdiyi mübarizə ilə qürur duyur.
“Bu ağrı çox böyükdür və bu yaranın sağalması üçün vaxt lazım olacaq. Amma mən özümlə bütün yaxşı xatirələri də aparıram. Sonadək mübarizə apardığımız, inanılmaz geri dönüşlər etdiyimiz oyunlar yaddaşımızda əbədi qalacaq. Bizi dəstəkləyən bütün ölkəyə təşəkkür edirəm. Komandanın səyləri və xalqımızın dəstəyi sayəsində yenidən dünyanın ən güclü komandaları sırasında yer aldıq.
Bu gün əldə etdiklərimizi qiymətləndirmək çətindir. Amma bu komanda ardıcıl ikinci dəfə dünya çempionatının finalına yüksəldi.
Bizi təbrik edən, dəstək mesajı göndərən hər kəsə ürəkdən təşəkkür edirəm. Biz yenidən bir xalq kimi birləşməyi və argentinalı olmaq qürurunu birlikdə yaşamağı bacardıq.
Həmçinin İspaniya millisini dünya çempionu olması münasibətilə təbrik edirəm”, – Messi paylaşımında yazıb.
