ABŞ Prezidenti Donald Trampın xüsusi nümayəndəsi Stiv Uitkoff və prezidentin kürəkəni Cared Kuşnerin yaxın həftələrdə Rusiyaya səfər etməsi mümkündür.
Bu barədə TASS agentliyinə danışan məlumatlı mənbə bildirib.
Mənbənin sözlərinə görə, belə bir ehtimal mövcud olsa da, səfərin vaxtı və proqramı ilə bağlı hələlik yekun qərar verilməyib. “Belə bir imkan var. Lakin hazırda bununla bağlı konkretlik və tam müəyyənlik yoxdur”, – deyə mənbə qeyd edib.
Bundan əvvəl bir sıra Qərb KİV-ləri Stiv Uitkoff və Cared Kuşnerin yaxın iki həftə ərzində Ukraynanın paytaxtı Kiyevə də səfər edə biləcəkləri barədə məlumat yaymışdı.
Hələlik nə Ağ Ev, nə də Rusiya tərəfi mümkün səfərlərlə bağlı rəsmi açıqlama verməyib.
