Ermənistan Təhlükəsizlik Şurasının katibi Alen Simonyanla model Aneliya Qubryanın nikah mərasimini Vayots Dzor yeparxiyasından olan keşiş Ovanes keçirib. Məlumata görə, həmin keşiş daha əvvəl Nikol Paşinyanın kilsə əleyhinə kampaniyasına qoşulub.
Sputnik Ermənistanın məlumatına görə, nikah mərasimi Ərəbkir rayonundakı Surb Xaç kilsəsində baş tutub.
İnternetdə yayılan fotolardan məlum olur ki, toyda sağdış keçmiş deputat, Paşinyanın kürəkəni Hraçya Akopyan olub. Xaç atası isə Simonyanın dostudur.
Toy mərasimi “Afina Hall Palladium” restoranında keçirilir. Tədbirdə nazirlər, “Vətəndaş müqaviləsi” partiyasından olan deputatlar və müxtəlif vəzifəli şəxslər iştirak edirlər. Alen Simonyanın toyunda Gorisin meri Aruş Aruşanyan da iştirak edir.
Qeyd edək ki, 45 yaşlı Simonyan özündən 20 yaş kiçik model Aneliya Qubryanla ailə qurur. Bu, onun ikinci evliliyidir.
