Rusiyanın Sankt-Peterburq şəhərindəki Konstantin sarayında Rusiya prezidenti Vladimir Putinlə ABŞ prezidentinin xüsusi nümayəndəsi Stiv Uitkoff arasında görüş başlayıb.
Bu barədə “İnterfaks” məlumat yayıb.
Məlumata görə, görüşdə Rusiyanın xarici ölkələrlə investisiya və iqtisadi əməkdaşlıq üzrə prezidentin xüsusi nümayəndəsi Kirill Dmitriyev də iştirak edir.
Daha əvvəl, çərşənbə günü Dmitriyev Oslodan gələn Uitkoffu “Pulkovo-3” hava limanında qarşılayıb. Uitkoff Osloya Ukrayna prezidenti Vladimir Zelenski ilə görüşmək üçün səfər etmişdi.
“İnterfaks”ın məlumatına görə, Donald Trampın digər nümayəndəsi Cared Kuşner səhhətində yaranan narahatlıq səbəbindən Sankt-Peterburqa gələ bilməyib. O, bir gün əvvəl Uitkoffla Zelenski arasında keçirilən danışıqlara videobağlantı vasitəsilə qatılıb.
