ABŞ Prezidenti Donald Tramp İranla müharibə zamanı yayda əldə olunan qısamüddətli atəşkəsi vaxt itkisi hesab edir.
O, bu barədə Konqresə aralıq seçkiləri ərəfəsində Missisipi ştatında Respublikaçılar Partiyasının tərəfdarları qarşısında çıxışı zamanı bildirib.
Münaqişənin başlanmasından danışan Tramp ABŞ-ın guya “seçim imkanının olmadığını” deyib.
“Bunu çoxdan etmək lazım idi və hazırda baş verənlər çox tezliklə başa çatacaq”, – deyə o iddia edib.
“Biz qısa müddətli atəşkəsə razılaşdıq, amma bu, mənim elə də xoşuma gəlmirdi. Mən bunu vaxt itkisi hesab edirdim”, – deyə ABŞ lideri bildirib.
“Bir neçə gəminin Hörmüz boğazından keçməsinə icazə verdik. Biz yaxşı tərəf olmaq istəyirik, amma bildiyimə görə, bu, vaxt itkisi idi”, – Tramp əlavə edib.
