Daxili İşlər Nazirliyinin (DİN) əməkdaşları noyabrın 3-də ölkə ərazisində axtarışda olan 100 nəfəri saxlayıblar.
Azpost.info xəbər verir ki, bu barədə DİN-in Mətbuat Xidməti məlumat yayıb.
Bildirilib ki, saxlanılanlardan 59-u borclu şəxs qismində axtarışda olub. Onlar aidiyyəti üzrə təhvil veriliblər.
Gün ərzində polis əməkdaşları ölkə ərazisində qeydə alınan 44, əvvəlki dövrlərdən bağlı qalan 30 cinayətin açılmasını təmin ediblər.
Həmçinin narkotiklərlə əlaqəli 16 fakt, qanunsuz saxlanılan silah-sursatın götürülməsi və aşkarlanması ilə bağlı isə 7 fakt müəyyən edilib.
Cinayət törətməkdə şübhəli bilinən 44 nəfər də polis tərəfindən saxlanılıb.
