2026-cı il noyabrın 5-də Futbolun İnkişaf Fondunun təşkilatçılığı ilə Gəncədə minadan zərərçəkənlərin də iştirakı ilə amputant futbol oyunu keçirilib.
Oyunun açılış mərasimində Qeyri-Hökumət Təşkilatlarına Dövlət Dəstəyi Agentliyinin İdarə Heyəti sədrinin müavini Elnur Bağırlı, Qarabağ Dirçəliş Fondunun İdarə Heyəti sədrinin müşaviri Rəşad Qasımzadə, Minatəmizləmə Agentliyinin (ANAMA) İdarə Heyəti sədrinin müşaviri Fikrət Vəliyev və Futbolun İnkişaf Fondunun icraçı direktoru Tural Piriyev çıxış ediblər.
Açılış mərasimindən sonra amputant futbolçular arasında yoldaşlıq oyunu keçirilib.
“Azərbaycan QHT-lərinin Əməkdaşlıq Forumu”nun iştirakçıları da tədbirə qatılaraq yoldaşlıq oyununu izləyib, amputant futbolçulara dəstək olublar.
Tədbirin sonunda futbolçulara təşəkkürnamələr və hədiyyələr təqdim olunub.
Qeyd edək ki, layihə QHT Agentliyi, Qarabağ Dirçəliş Fondu və ANAMA-nın birgə elan etdiyi “Mina və Partlamamış Hərbi Sursatlar Probleminə dair təşəbbüslər” qrant müsabiqəsinin 2026-cı il üzrə qalib layihələrindən biridir.
