ABŞ gəmiləri Panama Kanalından rüsumsuz keçəcək.
Panama hakimiyyəti ABŞ hökumətinə məxsus gəmilər üçün Panama kanalından keçid rüsumu almayacaq.
AzPost xəbər verir ki, bu barədə ABŞ Dövlət Departamenti məlumat yayıb.
“ABŞ hökumətinin gəmiləri indi Panama kanalından rüsum ödəmədən tranzit keçə bilər ki, bu da ABŞ hökumətinin ildə milyonlarla dollara qənaət etməsini təmin edir”, – Departamentin açıqlamasında deyilir.
Bildirilir ki, yenilik ABŞ-a hər il milyonlarla dollar qənaət etməyə imkan verəcək.
Qeyd edək ki, bundan əvvəl Amerika prezidenti bildirib ki, kanalın Panamaya verilməsi Ağ Evin mövqeyini zəiflədib. Çin şirkətləri isə son illərdə Panama kanalının infrastrukturuna əhəmiyyətli təsir göstərib. Eyni zamanda Tramp vurğulayıb ki, ABŞ Atlantik və Sakit okeanlar arasında strateji əhəmiyyətli marşrutun itirilməsinə yol verməməlidir.
Xatırladaq ki, bir gün əvvəl ABŞ prezidenti Donald Tramp ABŞ-ın Panama kanalı üzərində nəzarətin qaytarılmasına nail olacağını açıqlamışdı.
