Yeni ABŞ kəşfiyyat hesabatlarına görə, Rusiya Prezidenti Vladimir Putin yaxın bir neçə il ərzində NATO-nun qətiyyətini sınaqdan keçirmək üçün alyans üzvü olan ölkələrdən birinə məhdudmiqyaslı hücum təşkil etməyə cəhd göstərə bilər.
Azpost.info bildirir ki, bu barədə The Wall Street Journal məlumat yayıb.
Hesabatlarda mümkün ssenarilər kiberhücumdan tutmuş kiçikmiqyaslı quru müdaxiləsinə qədər müxtəlif variantları əhatə edir.
ABŞ rəsmilərinin açıqladığı bu qiymətləndirmələr Vaşinqtonun Rusiya və ya Çinlə gələcək mümkün münaqişədə istifadə edə biləcəyi bəzi kritik sursatların çatışmazlığı fonunda ortaya çıxıb.
ABŞ Ukraynaya hərbi yardım göstərməsi, eləcə də İranla münaqişə səbəbindən bu silahların ehtiyatlarını əhəmiyyətli dərəcədə azaldıb.
Digər ABŞ rəsmilərinin sözlərinə görə, uzunmənzilli yüksək dəqiqlikli raketlərin, ordunun taktiki raket komplekslərinin, həmçinin Stinger qısa mənzilli zenit raketlərinin ehtiyatları risk altındadır.
