“Birləşmiş Ştatlar Rusiyanın NATO-ya, xüsusən də onun şərq cinahındakı dövlətlərə hücumu təhlükəsini görmür”.
Azpost.info xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
O əlavə edib ki, hadisələrin belə bir inkişafı hazırda görünmür.
“Hazırda biz Rusiyadan Alyans ölkələrinə belə bir təhlükə görmürük. NATO-ya, onun şərq cinahına birbaşa təhlükə görmürük”, – Kirbi qeyd edib.
Daha əvvəl Rusiyanın hücumu zamanı qəbul edilən NATO müdafiə planının təfərrüatları məlum olub. Bu, 300 min əsgərin yüksək hazırlıq səviyyəsində yerləşdirilməsini nəzərdə tutur. Eyni zamanda Alyansın bəzi ölkələri şərq cinahda müttəfiqlərin müdafiəsini öz üzərinə götürəcək. Planda Almaniyayanın Litvanı, Böyük Britaniyanın Estoniyanı, Kanadanın Latviyanı qoruması nəzərdə tutulur.
Azpost.info
