ABŞ Dövlət Departamenti Ukraynadakı vəziyyətlə əlaqədar Rusiya Silahlı Qüvvələrinin 531 nümayəndəsinə viza məhdudiyyəti qoyub.
Azpost.info xəbər verir ki, bu barədə Departament məlumat yayıb.
“Qara siyahı”ya düşən Rusiya hərbçilərinin adları hələ açıqlanmayıb. Onlar Ukraynanın suverenliyini və müstəqilliyini pozmaqda ittiham olunurlar.
“Dövlət Departamenti Ukraynanın suverenliyini, ərazi bütövlüyünü və ya siyasi müstəqilliyini təhdid edən və ya pozan hərəkətlərə görə Rusiya Silahlı Qüvvələrinin 531 əməkdaşına viza məhdudiyyəti tətbiq etmək üçün tədbirlər görür”, – məlumatda deyilir.
Xüsusilə, hərbi sənaye kompleksi ilə əlaqəli bir sıra fiziki şəxslərə və şirkətlərə qarşı da sanksiyalar tətbiq edilib.
Azpost.info
