ABŞ-ın Azərbaycandakı səfirliyi Amerikaya vizanın kimlərə veriləcəyi ilə bağlı qaydaları təqdim edib.
Məlumatda deyilir ki, ABŞ Səfirliyi Birləşmiş Ştatlara qanuni səfərləri dəstəkləməyə və immiqrasiya qayda-tələblərinin ciddi şəkildə tətbiqini təmin etməyə sadiqdir.
ABŞ vizasına sahib olan hər bir şəxs vizadan düzgün və məqsədəuyğun şəkildə istifadə etmək öhdəliyi daşıyır.
B1/B2 səfər vizası ilə İCAZƏ VERİLƏN fəaliyyətlər:
-Turizm və şəhər gəzintiləri
-Tətil və istirahət səfərləri
-Alış-veriş
-Qohum və dostların ziyarəti
-İşgüzar tərəfdaşlarla görüşlər
-Konfrans və seminar iştirakları
B1/B2 səfər vizası ilə İCAZƏ VERİLMƏYƏN fəaliyyətlər:
– “Doğuş turizmi” – əsas məqsədi uşaq dünyaya gətirərək körpəyə ABŞ vətəndaşlığı almaq olan səfərlər
-ABŞ-da hər hansı işdə çalışmaq və ya ABŞ işəgötürənindən/şirkətindən ödəniş almaq
-Daimi olaraq dostların və ya qohumların yanında yaşamaq məqsədi ilə köçmək
-Ödənişli çıxışlar və ya kommersiya məqsədli ifalar
-Diplom və ya akademik kredit verən proqramlarda təhsil almaq (yalnız tələbə vizası ilə mümkündür)
