ABŞ-ın Bağdaddakı səfirliyi amerikalıları İraqı tərk etməyə çağırıb.
Azpost.info bildirir ki, bu barədə səfiriliyin açıqlamasında deyilir.
Məlumatda qeyd olunur ki, ABŞ ilə əlaqəli yerlərdə izdiham onları riskə ata bilər. İraqda ABŞ vətəndaşlarına qarşı hücumlar olub və amerikalılar qaçırılma riski altındadır: “İraqdakı ABŞ vətəndaşlarına şəxsi təhlükəsizlik vəziyyətlərini nəzərdən keçirmələri tövsiyə olunur. Ən yaxşı seçim İraq təhlükəsiz olan kimi onu tərk etməkdir. Getməməyi seçən amerikalılar ayıq olmalı, lazımsız diqqəti cəlb etməməli və təhlükəsiz yerdə uzun müddət qalmağa hazır olmalıdırlar. Onların qida, su, dərman və digər zəruri əşyalar ehtiyatı olmalıdır”.
