ABŞ amerikalıların xaricdə söz azadlığının məhdudlaşdırılmasında iştirak edən Avropa və Latın Amerikası da daxil olmaqla xarici rəsmilərə viza məhdudiyyətləri tətbiq edir.
AzPost bildirir ki, bu barədə ABŞ-ın dövlət katibi Marko Marko mayın 28-də məlumat verib.
Dövlət katibi bildirib ki, ABŞ söz azadlığına qadağa qoyan məmurlara viza məhdudiyyətləri qoyur:
“Bu gün mən amerikalılara senzura tətbiq edən xarici rəsmilərə və şəxslərə şamil ediləcək yeni viza məhdudiyyəti siyasətini elan edirəm. Söz azadlığı Amerikanın həyat tərzi üçün vacibdir.B u, xarici hökumətlərin heç bir səlahiyyəti olmayan ayrılmaz bir hüquqdur” – deyə Rubio sosial mediada bildirib.
“İstər Latın Amerikasında, istər Avropada, istərsə də başqa yerlərdə Amerikanın hüquqlarını pozmağa çalışanlara qarşı susqun dayanma günləri arxada qaldı”, – ABŞ dövlət katibi bildirib.
Onun sözlərinə görə, bu, ABŞ-ın hüququdur və bunun üzərində xarici hökumətlərin səlahiyyəti yoxdur.
Mart ayında Dövlət Departamenti vətəndaşlarının ABŞ-a girişinə qadağa qoyulması və ya məhdudlaşdırılması planlaşdırılan ölkələrin siyahısının mövcudluğunu təkzib edib.
Bundan əvvəl məlum olub ki, ABŞ hökuməti guya ruslar, belaruslar, eləcə də 40-dan çox ölkə vətəndaşlarının ölkəyə girişini əhəmiyyətli dərəcədə məhdudlaşdırmaq niyyətindədir.
