Tramp administrasiyası Ukraynanın Qərb müttəfiqləri tərəfindən təqdim edilən bəzi uzaqmənzilli raketlərdən istifadəsinə qoyulan əsas məhdudiyyəti aradan qaldırıb.
AzPost-un məlumatına görə, bu barədə “Wall Street Journal” nəşri xəbər verir.
Nəşr qeyd edir ki, ABŞ rəsmiləri öz şərhlərində vurğulayıblar ki, bu qərar Kiyevə Rusiya ərazisinə zərbələri genişləndirməyə və Kremlə təzyiqi artırmağa imkan verəcək.
Nəşrin məlumatına görə, geniş ictimaiyyətə çatdırılmayan bu qərar belə zərbələri əlaqələndirmək səlahiyyətinin ABŞ-ın müdafiə naziri Pit Haqsetdən NATO-nun Avropadakı Müttəfiq Qüvvələrinə rəhbərlik edən ABŞ-ın Avropadakı Müttəfiq Qüvvələrinin Ali Komandanı Aleks Qrinkeviçə keçməsindən sonra verilib.
