ABŞ Prezidenti Donald Trampın administrasiyası ölkənin Birləşmiş Millətlər Təşkilatının Təhsil, Elm və Mədəniyyət üzrə agentliyi – UNESCO-dan çıxması barədə qərar qəbul edib. AzPost xəbər verir ki, bu barədə məlumatı “New York Post” yayıb və məsələni Ağ Ev rəsmiləri də təsdiqləyiblər.
Ağ Evin mətbuat katibinin müavini Anna Kelli bildirib ki, qərar UNESCO-nun son dövrlərdə dəstəklədiyi mübahisəli və ABŞ seçicilərinin dəyərlərinə zidd olan təşəbbüslərlə bağlıdır.
Ağ Ev UNESCO-nu antiamerikan, antiisrail və proçin mövqedə olmaqda ittiham edir. Bundan əlavə, təşkilatın “müxtəliflik, bərabərlik və inklüzivlik” siyasəti də ABŞ administrasiyasının narazılığına səbəb olub.
Tramp rəhbərliyi bu addımı ABŞ-ın milli maraqlarını qorumaq məqsədilə atdığını bildirir.
