“San-Fransiskoda Çin lideri Si Cinpin və ABŞ prezidenti Co Bayden arasında danışıqlar zamanı Fələstin-İsrail münaqişəsi, Ukrayna böhranı, iqlim dəyişikliyi, süni intellekt kimi beynəlxalq məsələlər müzakirə edilib”.
Azpost.info xəbər verir ki, bunu Çin xarici işlər naziri Van İ deyib.
Onun sözlərinə görə, iki lider arasındakı söhbət dörd saat davam edib.
“Görüş zamanı hər iki ölkənin rəhbərləri bir-birini düzgün anlamaq, fikir ayrılıqlarını düzgün idarə etmək, dialoq və əməkdaşlığın təşviqi kimi ən aktual məsələlərə dair ətraflı fikir mübadiləsi aparıblar”, – XİN rəhbəri deyib.
Van İ əlavə edib ki, Si Cinpinin danışıqları hərtərəfli və dərin olub. Dövlət başçıları ikitərəfli münasibətlərin sağlam, sabit və davamlı inkişafı üçün istiqamətləri müəyyən ediblər.
Azpost.info
