Aİ ölkələri Rusiyanın dondurulmuş aktivlərindən əldə olunan gəlirləri Ukraynaya köçürməyə hazırlaşır.
Azpost.info xəbər verir ki, bu barədə “Financial Times” yazıb.
Məlumata görə, “Euroclear”ın palatasında Rusiyaya məxsus 197 milyard avro var. Bunun 180 milyardı Mərkəzi Bankın aktivləridir. Bu ilin birinci rübündə onlar “Euroclear”ın “standart təcrübəsi” çərçivəsində təkrar investisiyadan 734 milyon avro gəlir əldə ediblər.
“Maliyyə institutları bu pulla nə edəcəklərini bilmirlər”, – mənbə “Financial Times”a bildirib.
“Avropa Komissiyasının rəsmiləri mayın 24-də Kiyevin xeyrinə faizlərin silinməsinin mümkün variantlarını müzakirə ediblər, lakin konkret təkliflər iyunun sonunda gözlənilir. Belə bir addımın hüquqi nəticələrinin öyrənilməsi davam edir. Ola bilsin ki, belə bir qərar daha geniş beynəlxalq dəstək tələb etsin, çünki bu, maliyyə bazarlarına təsir göstərə bilər”, – mənbə qeyd edib.
Euroclear”ın yerləşdiyi Belçikada hökumət dondurulmuş aktivlərdən əldə edilən vəsaitdən əldə edilən vergi gəlirlərini Ukraynaya kömək etmək üçün istifadə etmək niyyətində olduğunu bəyan edib. Hökumət rəsmisinin sözlərinə görə, bu il ən azı 625 milyon avro faiz vergisi gözlənilir. Bu vəsait Kiyevə hərbi və humanitar yardıma, eləcə də qaçqınlara yardıma xərclənəcək.
Azpost.info
