“Avropa İttifaqı Rusiyaya hərbi yardım göstərənlərə, həmçinin Belarus və İrana sanksiya təzyiqlərini genişləndirəcək”.
Azpost.info xəbər verir ki, bunu Avropa Komissiyasının rəhbəri Ursula fon der Lyayen Aİ ilə NATO arasında əməkdaşlıq haqqında bəyannamənin imzalanmasından sonra NATO-da keçirdiyi mətbuat konfransında deyib.
“Biz lazım olduğu müddətcə Kremlə sanksiyalar tətbiq etməyə davam edəcəyik. Belarus və İran kimi Rusiyaya hərbi dəstək verənlərə qarşı da sanksiyaları genişləndirəcəyik”, – Lyayen bildirib.
Qeyd edək ki, bu gün Avropa İttifaqı və NATO Ukrayna münaqişəsi fonunda iki təşkilat arasında əməkdaşlığı yeni səviyyəyə çıxaran bəyannamə imzalayıb.
Azpost.info
