Aleksey Navalnının bank hesabları dondurulub

Rusiyanın müxalif siyasətçisi Aleksey Navalnı deyib ki, həyat yoldaşının, uşaqlarının, valideynlərinin və Korrupsiyaya Qarşı Mübarizə Fondunun (FBK) rəhbərinin hesabları heç bir izahat verilmədən dondurulub. O, bunun onu ləkələmək və gözdən salmaq üçün edildiyini deyib.

Kremlin tənqidçisi ailəsinin və Korrupsiyaya Qarşı Mübarizə Fondunun rəhbəri İvan Jdanovun bank hesabları və ödəniş kartlarının bağlandığını çərşənbə axşamı veb səhifəsində yazıb.

Eyni zamanda Navalnı Rusiya rəhbərliyi ilə sıx əlaqəsi olan milyarder Oleq Deripaskanın naməlum səbəblərdən onu məhkəməyə verməsi barədə məlumat aldığını bildirib.

Həm Navalnı, həm də Jdanov bank hesablarını onlayn yoxlayarkən 75 milyon rubl (1 130 000 dollar) çatışmazlıq müəyyən etdiyini bildirib.

Navalnı prezident Vladimir Putini belə bir vəziyyəti qəsdən yaratmaqda günahlandıraraq, onun bir çox rusiyalının ölkənin hazırkı rəhbərliyindən narazı olduğu bir vaxt onun Korrupsiyaya Qarşı Mübarizə Fondunun fəaliyyətinə mane olmağa çalışdığını iddia edir. (Amerikanın Səsi)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Apteklərdə maska çatışmazlığı müşayiət olunur, buna heç cür izahat tapmaq mümkün deyil” –

Sonrakı məqalə

Narkotacir qızının narkotik aludəçisi olmasına dözməyib onu öldürdü –