Cənubi Amerikada tapılan kəhrəba nümunəsində alimlər beş müxtəlif dəstəyə aid qədim həşəratları müəyyən ediblər.
AzPost xəbər verir ki, kəşfiyyat zamanı milçəklər, göbələk böcəkləri, arılar və çay kəpənəkləri aşkarlanıb. Bundan başqa, kəhrəbanın içində hörümçək torunun fraqmentinə də rast gəlinib.
Tədqiqatçılar bildiriblər ki, bu tapıntı təxminən 122–70 milyon il əvvəl, Mesozoik dövrün Miosen mərhələsində mövcud olmuş rütubətli və smola ilə zəngin meşə ekosisteminin birbaşa sübutudur. Həmin dövrdə Yer üzündə əsasən iynəyarpaqlı ağaclar üstünlük təşkil edib və onlar çoxlu miqdarda smola ifraz edərək müxtəlif canlıların qorunmasına şərait yaradıb.
Smola ağacları zədələrdən müdafiə etməklə yanaşı, onların sağalmasına kömək edir. Zamanla bərkiyərək kəhrəbəyə çevrilən bu maddə içində qalan canlıları milyonlarla il dəyişmədən saxlayır.
Alimlərin aşkar etdiyi nümunə müasir Amazon meşələrinin kənarında tapılıb. Məlumata görə, həmin ərazilərdə Kretase dövründə də sıx meşələr mövcud olub. O vaxtlar burada nəhəng qıjılar və indi Amazon hövzəsindən yoxa çıxmış araukariya ağacları bitirdi.
Tədqiqatın nəticələri Communications Earth & Environment jurnalında dərc olunub. Alimlər qeyd edirlər ki, bu nadir tapıntı qədim Gondvana materikində hansı canlıların məskunlaşdığı barədə əlavə elmi biliklər qazandırır.
