Alimlər neçə illərdir müzakirəsi aparılan əcaib varlığın axtarışına çıxıblar.
Azpost.info BBC radiosuna istinadən bildirir ki, söhbət Lox-Nessi gölündə 90 il əvvəl müşahidə olunmuş dinozavra bənzər qəribə canlıdan gedir.
“Lox Ness” Mərkəzinin tədqiqatçıları “Lox Ness Exploration” şirkətinin müstəqil alimləri ilə birlikdə əfsanəvi məxluqun axtarışı üçün bütün səylərini sərf etməyə qərar verib.
Bioloqların fikrincə, ötən əsrin 70-ci illərinin əvvəllərindən bu yana belə böyük axtarış təşkil olunmayıb.
BBC-nin məlumatına görə, axtarışa avqustun sonunda başlaması planlaşdırılır. İndi alimlər “ovçular komandası” toplayırlar.
Mifik dinozavrın axtarışı üçün infraqırmızı kameralı dronlardan istifadə olunacaq. Bu da onlara havadan istənilən canlı obyekti çəkməyə imkan verəcək. Bundan əlavə, tədqiqatçılar məşhur göldə indiyədək heç vaxt istifadə olunmayan ölçmə aparatlarından istifadə etmək niyyətindədirlər. Sualtı bütün səsləri çəkmək və yazmaq üçün hidrofondan da istifadə olunacaq.
Qeyd edək ki, 1933-cü ildə yerli qəzetdə bir neçə turistin göldə nəhəng ölçülü sirli məxluq gördüyü qeyd olunub.
Azpost.info
