“”Amerikanın Səsi” radiosu prezidentin rəsmi siyasətini yürütməsə əməkdaşları işdən azad edilməlidir.
AzPost bildirir ki, bu barədə ABŞ prezidentinin xüsusi nümayəndəsi Riçard Qrenell bəyan edib.
O, bildirib ki, “Amerikanın Səsi” radiosu ABŞ siyasətini təbliğ etmək üçün vergi ödəyiciləri tərəfindən maliyyələşdirilən bir alətdir.
“Onlar müstəqil jurnalistlər deyillər. Vergi ödəyiciləri tərəfindən maliyyələşdirilən ABŞ hökumətinin işçiləridirlər. Əgər rəsmi siyasəti irəli sürə bilmirlərsə, başqa yerdə iş tapmalıdırlar”, – deyə Qrenell deyib.
Bundan əvvəl “The New York Times” qəzeti Trampı tənqid edən məqalələrə görə nəşrin kadr araşdırmalarına başladığını, “Amerikanın səsi”nin tanınmış jurnalistlərindən biri Stiven Hermanın istintaq müddətində “uzadılmış məzuniyyətə” göndərildiyini bildirmişdi.
