Antimikrob müqavimət (AMR) problemi getdikcə ciddiləşir və əgər dərhal tədbir görülməzsə, hazırda istifadə olunan antibiotiklər təsirini itirə bilər.
AzPost xəbər verir ki, ekspertlərin fikrincə, bu hal sadə infeksiyaların belə ölümlə nəticələnməsinə səbəb ola bilər.
Mütəxəssislər bildirirlər ki, vəziyyətin nəzarətdən çıxmaması üçün ABŞ, Avropa və Birləşmiş Krallıq hökumətləri tərəfindən yeni siyasət qərarları qəbul edilməli, yeni dərmanların hazırlanması təşviq olunmalı və əhaliyə antibiotiklərin viruslara qarşı təsirsiz olduğu daha geniş şəkildə izah edilməlidir.
Britaniya hökumətinin sözçüsü bildirib ki, ölkənin 10 illik səhiyyə planı AMR-i ciddi təhlükə kimi tanıyır və onun yayılmasının qarşısını almağı prioritet hesab edir. Bu çərçivədə antibiotiklərin heyvan ətində istifadəsinin azaldılması və yeni müalicə vasitələrinin hazırlanmasına dəstək üçün dünyada ilk abunə modeli tətbiq olunub. Hökumət, həmçinin beynəlxalq tərəfdaşlarla əməkdaşlıq edərək bu sahədə qlobal tədbirlərin görülməsini təşviq edir.
