Azərbaycan Milli Antidopinq Agentliyinin elan etdiyi tədbir xidmətləri üzrə tender baş tutmayıb. AzPost xəbər verir ki, 110 min altı yüz iyirmi beş manat dəyərində olan tenderin ləğvi barədə qərarı Antiinhisar və İstehlak Bazarlarına Nəzarət Dövlət Agentliyi verib.
Tenderin ləğv edilməsinə səbəb təklif və onun təminatını təqdim edən, həmçinin zəruri hallarda müvafiq lisenziyaya malik olan təchizatçıların sayının üçdən az olmasıdır. Qanunvericiliyə əsasən, bu halda satınalma prosesi qüvvədən düşür.
Qeyd edək ki, ləğv olunan tender tədbirlərin təşkili və xidmətlərin göstərilməsini əhatə edirdi.
