Argentinanın yeni prezidenti Xavyer Miley katoliklikdən yəhudiliyə keçməyə hazırlaşır.
Azpost.info xəbər verir ki, bu barədə, “Bloomberg” dövlət başçısına yaxın mənbəyə istinadən yazıb.
Onun sözlərinə görə, ötən şənbə günü Argentina lideri Buenos-Ayresdə yəhudilərin ibadətində iştirak edib və həmin mərasim zamanı ravvindən xeyir-dua alıb.
Bu günlərdə Miley prezident kimi ilk xarici səfərində Nyu-Yorka gedib. Orada qara paltar və kipa geyinərək məşhur yəhudi ravvin Menaxem Mendel Şneersonun məzarını ziyarət edib.
Miley dəfələrlə İsrailə səfər planları, eləcə də ölkəsinin səfirliyini Təl-Əvivdən Qüdsə köçürmək niyyəti barədə danışıb.
Azpost.info
