Rusiya və ABŞ Əbu-Dabidə keçiriləcək üçtərəfli görüşün tarixlərini razılaşdırmağa başlayıb. Görüş noyabr ayında baş tutacaq.
Bu barədə Rusiya prezidentinin köməkçisi Yuri Uşakov jurnalist Pavel Zarubinə “Vesti” informasiya xidməti üçün müsahibəsində bildirib.
“Biz Rusiya, Ukrayna və ABŞ arasında Əbu-Dabidə keçiriləcək üçtərəfli danışıqların tarixini razılaşdırmaq üçün amerikalılarla işə başlamışıq. Bu danışıqlar noyabr ayında keçiriləcək”, – deyə Uşakov bildirib.
Bundan əvvəl Rusiya prezidentinin mətbuat katibi Dmitri Peskov Ukrayna ilə bağlı üçtərəfli danışıqların tarixinin razılaşdırılmasında heç bir çətinlik olmadığını açıqlamışdı. Onun sözlərinə görə, bu istiqamətdə razılaşdırma prosesi davam edir.
