Avropa İttifaqı Səudiyyə Krallığında Ukrayna ilə bağlı sülh konfransı təşkil etmək istəyir

Avropa İttifaqı (Aİ) bu ilin payızında Səudiyyə Ərəbistanında Rusiyanın iştirakı ilə Ukrayna üzrə sülh konfransı təşkil etmək istəyir.

Azpost.info bildirir ki, bu barədə Bloomberg mənbələrə istinadən yazır.

“Aİ üçün vacib məsələ, rəsmilərin fikrincə, gələn ay İsveçrədə keçiriləcək konfransdan payızda Səudiyyə Ərəbistanında Rusiya ilə mümkün görüşə necə keçid etməkdir”, -deyə mətndə deyilir.

Mayın əvvəlində İsveçrə Xarici İşlər Nazirliyi Ukrayna ilə bağlı konfransın tarixlərini təsdiqləyib. Tədbir 15-16 iyun tarixlərində Bürgenstokda baş tutacaq. Dəvət olunanlar arasında G7, G20 və BRICS ölkələri var. Toplantıya ümumilikdə  120 ölkədən 160 nümayəndə heyəti qatılacaq.

Ukrayna prezidenti Vladimir Zelenski “sülh formulu”nu təqdim etməyi planlaşdırır və beynəlxalq ictimaiyyətdən dəstək gözləyir.

Rusiya dəvət edilən iştirakçılar siyahısında yoxdur.

AzPost

© Materiallardan istifadə edərkən hiperlinklə istinad olunmalıdır.