Avropa Parlamenti Almaniyanın keçmiş kansleri Gerhard Şröderlə bağlı qətnamə qəbul edib.
Azpost.info xəbər verir ki, bu barədə “Die Welt” məlumat yayıb.
Qətnamədə Şröderin Rusiyanın enerji şirkətlərinin, xüsusən də “Rosneft”in maraqları naminə fəaliyyət göstərməkdə davam etdiyi bildirilir. Avropa Parlamenti Rusiya şirkətlərindəki vəzifəsini tərk etməyəcəyi təqdirdə Şröderə qarşı sanksiyaların tətbiqini təklif edib.
Sənəddə Şröderdən başqa, Rusiya şirkətlərində tutduqları vəzifələrdən yenicə istefa vermiş Volfqanq Boule (Avstriya) və Fransua Fiyon (Fransa) da daxil olmaqla keçmiş hökumət başçılarının da adı çəkilir.
Avropa Parlamentinin qətnamələri tövsiyə xarakteri daşıyır. Lakin qətnamə müəllifləri Avropa İttifaqı ölkələrini hələ də Rusiyadan pul almağa davam edən avropalı siyasətçilərə sanksiya tətbiq etməyə çağırıb.
“Tagesspiegel” yazır ki, Bundestaqın büdcə komitəsi keçmiş kansler Şröderi Putinin siyasətinə dəstək verdiyinə görə bəzi xüsusi hüquqlardan məhrum edib. Xüsusilə, keçmiş kanslerin ofisinin bağlanması barədə qərar qəbul edilib. Lakin Şröder hələ də pensiya və şəxsi müdafiə hüququna malikdir.
Azpost.info
