Süfrə
Axşam saatlarında qidalanma vərdişləri artıq çəki ilə mübarizədə mühüm rol oynayır. Son tədqiqatlar göstərir ki, axşam yeməyini daha erkən saatlarda qəbul edən insanlar daha asan çəki itirir və maddələr mübadiləsi daha effektiv işləyir.
Azpost.info bildirir ki, mütəxəssislərin sözlərinə görə, yatmazdan 3-4 saat əvvəl yemək qəbulu orqanizmin qidanı daha yaxşı həzm etməsinə şərait yaradır. Gec saatlarda qəbul edilən qidalar isə yağ yığılmasını sürətləndirə bilər.
Dietoloq Sara Məmmədova bildirir ki, axşam yeməyində tərəvəz, balıq və zülalla zəngin məhsullara üstünlük verilməlidir: “Karbohidratların miqdarını azaltmaq həm yuxu keyfiyyətini artırır, həm də çəkiyə nəzarət etməyə kömək edir”.
Araşdırmalara görə, axşam yeməyini saat 19:00-dan əvvəl yeyən insanlarda piylənmə riski daha aşağı olur. Həkimlər sağlam qidalanma ilə yanaşı gündəlik fiziki aktivliyin də vacibliyini vurğulayırlar.
Sunay Aydın
