Azərbaycan və Pakistan xüsusi təyinatlılarının birgə hərbi təlimi planlaşdırılır

07 Fevral 2020 - 00:44

Bu il Azərbaycan və Pakistan xüsusi təyinatlı qüvvələrinin iştirakı ilə birgə hərbi təlimin keçirilməsi planlaşdırılır.

Azpost.info bildirir ki, bu barədə “AzeriDefence”yə hərbi mənbələrdən məlumat verilib.

Məlumata görə, bununla bağlı tərəflər arasında razılıq əldə olunub.  İkitərəfli təlimlər növbə ilə Azərbaycanda və Pakistanda keçiriləcək.

Qeyd edək ki, 2019-cu ildə Pakistan  hərbçiləri Azərbaycanda “TurAz-Qartalı-2019” Azərbaycan-Türkiyə və “Qafqaz Qartalı-2019” Azərbaycan, Türkiyə və Gürcüstan xüsusi təyinatlılarının birgə təlimində müşahidəçi qismində iştirak ediblər.